Խորհրդի անդամ
Մեր թիմը
Մարդիկ, ովքեր գիտելիքը դարձնում են գործող համակարգ
Կառավարման, կրթության, հակակոռուպցիոն քաղաքականության և կազմակերպական զարգացման մասնագետների թիմ։
ԿառուցվածքԿառավարում · ղեկավարում · ծրագրեր · փորձագիտություն
01
Կառավարում
Խորհրդի անդամներ
Ռազմավարական ուղղություն և կոլեգիալ վերահսկողություն
Խորհուրդն ապահովում է կազմակերպության ռազմավարական առաջնահերթությունների քննարկումը, որոշումների կոլեգիալությունը և գործունեության նկատմամբ շարունակական վերահսկողությունը։
Խորհրդի անդամ
Թեհմինե Մարտիրոսյան
Խորհրդի անդամ
Լուսինե Բարխուդարյան
Խորհրդի անդամ
Նելլի Նազարյան
02
Գործադիր ղեկավարում
Կազմակերպության նախագահ
Ռազմավարությունից՝ պատասխանատու իրականացման
Նախագահն իրականացնում է կազմակերպության ընթացիկ ղեկավարումը, ներկայացնում I4D-ը և համակարգում հաստատված ծրագրերի ու որոշումների իրականացումը։
Համահիմնադիր և կազմակերպության նախագահ
Նարինե Ավետիսյան
Նարինե Ավետիսյանը իրավաբան է և հակակոռուպցիոն քաղաքականության ու բարեվարքության համակարգերի մասնագետ։ 2024 թվականից «Բարեվարքություն հանուն զարգացման» ՀԿ-ի համահիմնադիրն ու նախագահն է։ 2021-2024 թվականներին Կոռուպցիայի կանխարգելման հանձնաժողովում ղեկավարել է հանրային ծառայողների վարքագծի վերահսկողության և կոռուպցիոն ռիսկերի գնահատման մեթոդաբանական աշխատանքները։ Մասնակցել է հանրային ծառայողների վարքագծի կանոնների, շահերի բախման և անհամատեղելիության պահանջների, նվերների հայտարարագրման համակարգի, կոռուպցիոն ռիսկերի գնահատման մեթոդաբանությունների և հակակոռուպցիոն ռազմավարական նախաձեռնությունների մշակմանը։ Ունի հանրային կառավարման, համայնքային ծառայության, մարդկային ռեսուրսների կառավարման, կրթական ծրագրերի վերահսկման և մասնագիտական վերապատրաստումների բազմամյա փորձ։
03
Ծրագրերի իրականացում
Ծրագրերի համակարգող
Բովանդակությունից մինչև որակյալ իրականացում
Այս բաժնում կներկայացվեն ծրագրերի պլանավորումը, գործընկերային աշխատանքը, մասնակիցների հաղորդակցությունը և արդյունքների մոնիթորինգը համակարգող թիմի անդամները։
Համահիմնադիր և ծրագրերի համակարգող
Լիլիթ Մաթևոսյան
Լիլիթ Մաթևոսյանը կրթության կառավարման, հակակոռուպցիոն կրթության և հանրային իրազեկման մասնագետ է։ «Բարեվարքություն հանուն զարգացման» ՀԿ-ի համահիմնադիրն ու ծրագրերի համակարգողն է։ 2023-2024 թվականներին Կոռուպցիայի կանխարգելման հանձնաժողովում ղեկավարել է կրթության, հանրային իրազեկման և մոնիթորինգի ստորաբաժանումը՝ մշակելով և համակարգելով հակակոռուպցիոն կրթության ծրագրեր։ Ավելի վաղ ղեկավարել է ՀՀ կրթության տեսչական մարմնի որակի ապահովման բաժինը՝ մասնակցելով կրթական հաստատությունների որակի գնահատման, մասնագիտական էթիկայի և հակակոռուպցիոն մեխանիզմների ներդրմանը։ Ունի կրթական հաստատությունների ղեկավարության, դասավանդման, ծրագրերի կառավարման և վերապատրաստումների բազմամյա փորձ։
04
Մասնագիտական կարողություն
Փորձագետներ
Տեսություն, գործնական փորձ և ոլորտային մասնագիտացում
I4D-ի փորձագիտական շրջանակը կարող է ներառել ներքին և հրավիրված մասնագետների՝ հակակոռուպցիոն կրթության, բարեվարքության, էթիկայի, հանրային կառավարման և կրթական հաստատությունների զարգացման ոլորտներից։
«Իրավագիտակից մանկավարժ» կրթական ծրագրի շրջանակում վերապատրաստում իրականացնող փորձագետ
Սարգիս Միրզոյան
• Կենսաբանության ուսուցիչ է և մարդկային ռեսուրսների կառավարման մասնագետ։
• 2019–2021 թթ. ավարտել է ՀՀ պետական կառավարման ակադեմիայի «Կառավարում» մագիստրատուրան՝ ՄՌԿ մասնագիտացմամբ։
• 2015–2019 թթ. սովորել է ՀՊՄՀ-ում՝ ստանալով կենսաբանության ուսուցչի որակավորում։
• 2022 թվականից դասավանդում է Հայաստանում եվրոպական քոլեջում և Ս. Զորյանի անվան N 56 հիմնական դպրոցում։
• 2020–2023 թթ. Կոռուպցիայի կանխարգելման հանձնաժողովում աշխատել է որպես ՄՌ կառավարիչ և HRM փորձագետ։
• Ունի հակակոռուպցիոն կրթական և սոցիալական ծրագրերի կառավարման փորձ՝ ԹԻՀԿ-ում, USAID-ի և «Ջինիշյան» հիշատակի հիմնադրամի ծրագրերում։
Համագործակցություն
Միացե՛ք մեր փորձագիտական աշխատանքին։
Բաց ենք ծրագրային համագործակցության և կրթության, բարեվարքության ու հանրային կառավարման ոլորտների մասնագետների հետ համատեղ աշխատանքի համար։